Mjeku Ilir Alimehmeti teksa komentoi skandalin me McGonigal, tha në një intervistë për Panorama TV se kryeministri Edi Rama duhet të japë dorëheqjen dhe të gjykohet.
Sipas tij, kreu i qeverisë po mundohet të fshihet pas postit të kryeministrit, por kjo thekson ai nuk është diçka e mirë, pasi ky skandal ka prekur të gjithë shqiptarët.
“Të vazhdosh të fshihesh pas postit të qenit kryeministër do të thotë se na implikon edhe ne. Sot kemi potencialisht një kryeministrit të cilit zor se dikush një trup diplomatik i hap telefonin. Për integritetin e tij dhe të mirën e shqiptarëve duhet të bëjë hapa prapa, të gjykohet, ta ndjekë gjyqësinë”, tha Alimehmeti.
Pjese nga biseda
Alimehmeti: Ne kemi të dhënat, po na i thotë shteti më i lartë, partneri strategjik, po na i tregon çfarë ka ndodhur me fakte. Ata po merren me veprime zyrtare, nuk merren me fjalë. Ata pranojnë edhe një dëm që kanë pasur ata.
Pse nuk nis një hetim? Këtu nuk niset, jo më të bëhet publik. Kurse ata e kanë nisur dhe janë bërë publike. Kjo gjë po ndodh, është realitet.
Pyetje: A duhet të kishte dhënë dorëheqjen Rama?
Alimehmeti: Absolutisht po, do ishte minimumi i integritetit. Po ju jap shembullin në Kosovë, kryeministra të cilët kanë dhënë dorëheqjen kur janë akuzuar nga një gjykatë.
Rama na përfaqëson ne. Këtu janë shqiptarët që po e marrin njollën. Në shenjë integritetit, kjo është një situatë ku duhet të përballesh vetë.
Ai mundohet ta fshehë diellin me shoshë. Në ekzistencën e integritetit duhet të tërhiqej nga pozicioni. Të vazhdosh të fshihesh pas postit të qenit kryeministër do të thotë se na implikon edhe ne. Sot kemi potencialisht një kryeministrit të cilit zor se dikush një trup diplomatik i hap telefonin. Për integritetin e tij dhe të mirën e shqiptarëve duhet të bëjë hapa prapa, të gjykohet, ta ndjekë gjyqësinë.
